SA GILID NG LANGIT

bawat buhay
ay may nabubuong
mga kwento at kasaysayan

may makulay malungkot
masaya masalimuot
maganda malihim at magulo

bunga ito marahil ng kasalatan ng tao

kung kaya't siya'y laging naghahanap
nagsisikhay at umaasam

makamit lang ang langit na gusto

maraming tulad nito sa mundo...

Ikaw... Siya at Ako

...sa loob ng kasaysayang
singlawak ng uniberso

at doon mula roo'y
nabuo nabuhay nagkamalay
ang tuwat hinampo

mumunting kaligayahang
bahagi ng misteryo

ganyan nga... ganyan nga tayo

tulad sa awiting
nagsasabing...

sa palad ko't sa palad mo'y
manipis ang gilid ng langit.

Il y a 20 annee, la susmentionne musique ecrivant aupr'es moi-m'eme pour mon amis.